منتديات الدرجلى


    اضحك معنا

    شاطر
    avatar
    Eng.Najeh
    درجلى جديد
    درجلى جديد

    عدد الرسائل : 92
    العمر : 37
    العمل/الترفيه : مهندس معماري
    تاريخ التسجيل : 08/08/2009

    اضحك معنا

    مُساهمة من طرف Eng.Najeh في الخميس نوفمبر 05, 2009 3:00 am

    المصرين مالهم حل ابدا :



    واحد زرع ورده............. ‏طلعتله ام كلثوم .

    · مرة واحد راح يوكل محامى....... ‏لقاه صايم .

    · واحد رمى يمين الطلاق على مراته ‏ماجاش فيها .

    · كسلان دخل الامتحان وقع منه القلم . ‏سلم الورقة .

    · مرة واحد باع اللى وراه والى قدامه وا شترى اللى جنبه .

    · بقرة جالها جفاف نزلت نيدو .

    · ليه الخشب يتيم؟......‏لأ نه مقطوع من شجرة .

    · مرة 5 ‏دخلوا كلية الهندسة اثنين طلعوا مهندسين وثلاثة طلعوا مدينة نصر .

    · ليه الصعيدي الصغير أذكي من الصعيدي الكبير؟....... لأنة مابقالوش كتير صعيدي .

    · عربية كحيانة صاحبها سابها قدام بيت مهجور....‏ليه؟؟!

    ‏عاوزها تبقى عربية شبح .

    · مرة واحد عداه العيب اخد الي بعده .

    · واحد خلقه ضاق اداه لأخوه الصغير .

    · دبانه وقعت في ازازة ويسكي طلعت تقول اوعى النسر .

    · واحد مشغول اتجوز واحدة مشغولة خلفوا ولد مش فاضلهم .

    · ‏مرة مدرس رياضيات خلف ولدين و استنتج التالت .

    · واحدة اتجوزت واحد شخصيته مهزوزة . ‏ركبت له أريل ..

    · همبورجر وبيبسى و بطاطس بيجروا فى الشارع تفتكر ليه؟........ عشان وجبات سريعة .

    · مرة دكتور اسنان اشترى عود قصب لقاه مسوس حشاه .

    · خبير أرصاد جوية ... ‏اتجوز وخلف بنتين الكبرى 27 ‏والصغرى 13

    صعيدي جزمته اتقطعت خيطها وبعد أسبوع لقاها كويسه فك الخياطه ·

    · واحدة بتقول لحبيبها أهلي مسافرين والبيت فاضي قالها أقري قرآن ومتخفيش .

    · محشش لقي كنز قال:كويس فاضل الخريطة !!

    · ولد بيسأل أبوه:هي الحمير بتتجوز؟ قاله :يا بني مبيتجوزش أصلاً غير الحمير ولمؤاخذة

    · واحدة بتقول لجوزها اطرد السواق كان حيموتني مرتين في حادثة قال لها خلينا نديه فرصة ثالثة ....

    · صعيدي قال لأبوه: رخصة السواجة خلصت يابوي قاله:من لفك في الشوارع طول النهار يابن الدزمة ..

    · مسطول صدم شرطي وموته راح متصل بـ122 وقالهم:أحب أبلغكم إنكم بقيتوا 121 .





    · صعيدي قال لأبوه أنا عاوز موبايل قاللوا موافق بس تركب أخواتك معاك .

    · محشش بيسأل محشش التعلب بيولد ولا بيبيض قاله التعلب مكار توقع منه أي حاجة

    · مرة واحد وقف تاكسي و قاله : ‏فاضي ياسطى ؟؟؟ قاله : ‏ايوه فاضي ..

    ‏قاله: ‏طيب... تعالى اقعد معايا عالقهوة شوية !!

    · ‏مره واحد ابنه طلع من الأوائل .......... شفروه !

    · ‏التلميذ : ‏بحبك يا أبله و عاوز أتجوزك..... ‏المدرسه: ‏بس أنا مبحبش الأولاد الصغيرين...

    § ‏التلميذ: ‏وأنا مش مستعجل على الأولاد .

    · ثلاثة مساطيل قاعدين في سهرة

    § الأول : ‏أنا عندي فلوس أشتري بيها أمريكا الشمالية

    § الثاني : ‏وأنا عندي فلوس أشتري بيها أمريكا الشمالية و الجنوبية

    § الثالث : ‏و مين قالكم إني رح أبيع

    ·صعيدي ربح مليون خافوا يبلغوه يموت مصدوم .. قال العمده أنا أقوله.قال يا محمدين لو ربحت مليون حتعمل بيهم إيه؟ قال:أديك نصهم ... مات العمدة !
    avatar
    امانى
    درجلى نشيط
    درجلى نشيط

    عدد الرسائل : 498
    تاريخ التسجيل : 20/05/2009

    رد: اضحك معنا

    مُساهمة من طرف امانى في الخميس نوفمبر 05, 2009 4:30 am

    والله نكت حلوة
    تسلم ايدك بجد
    نتمنا منك المزيد الدائم
    حلوا اوى بتاعت التلميذ
    تقبل مرورى [وحدهم المديرون لديهم صلاحيات معاينة هذه الصورة]

      الوقت/التاريخ الآن هو الأحد ديسمبر 17, 2017 2:31 pm