منتديات الدرجلى


    على باب سفارة كندا

    شاطر
    avatar
    Eng.Najeh
    درجلى جديد
    درجلى جديد

    عدد الرسائل : 92
    العمر : 37
    العمل/الترفيه : مهندس معماري
    تاريخ التسجيل : 08/08/2009

    على باب سفارة كندا

    مُساهمة من طرف Eng.Najeh في السبت أكتوبر 24, 2009 4:15 am

    على باب سفارة كندا

    على باب سفارة كندا.. لمحت ابليس و ف ايده استماره..

    بقول له على فين.. قاللي بص .. يا هجره يا اعاره..

    يا عم زهقت.. كفرت .. الاقيش معاك سيجاره..

    انا انتهيت خلاص .. لا نافع وسواس ولا خناس

    ولا ليا عيش وسط الناس..

    دي عالم مجرمين.. عندكوا فائض ف الفساد..

    في كل البلاد..

    ومش محتاجين شياطين .. مليش عيش ف دي البلاد..

    ....



    بقالي سنين عاطل .

    و انتوا بتعرفوا تقلبوا الحق باطل..

    و تسلكوا القاتل .. و تمشوا ف جنازة المقتول..

    ومفيش مشاكل..



    يا عم ده انا بقيت أوسوس بالمقلوب..

    و أقول للحرامي .. كفايه بقى .. توووووب..

    انت ايه . لوحدك هاتعمل كل الذنوب..

    و أنا ابليس أشتغل واعظ .. ولا كمساري ف اتوبيس..



    يا عم ده انا زمان

    كنت استنى حد ينسى يسمي وهو بياكل لقمته..

    دلوقتي كل اكلكم ملوث .. و بصراحه الواحد خايف على صحته..

    ده مفيش ضمير اساساً عشان اموته..

    و كل واحد بمزاجه .. خربانه ذمته..



    يا عم ده كل حاجه اتسرقت..

    وكده الاجيال الجديده م الحراميه اتظلمت..

    يا راجل ده من كتر ما لطشت معايا..

    خرجت ف مظاهره مع الناس اللي بتقول كفايه..

    و برضه ......... مفيش فايده
    avatar
    حبيبه

    عدد الرسائل : 67
    العمر : 23
    العمل/الترفيه : طالبة النجاح
    المزاج : راااااااااااااااااااااااااااااااااايق جدا
    تاريخ التسجيل : 24/08/2009

    رد: على باب سفارة كندا

    مُساهمة من طرف حبيبه في الثلاثاء نوفمبر 10, 2009 1:56 pm

    الصراحه كل موضوعاتك رائعه
    ومش هعرف اوصف جمالها
    مع خالص تحياتى وتمنياتى لك بكل صحه وسعاده
    الباشمهندسه : سحـــــــــــــــــــــــر 
    زميله الباشمهندس : معاذ ناجح
    avatar
    Eng.Najeh
    درجلى جديد
    درجلى جديد

    عدد الرسائل : 92
    العمر : 37
    العمل/الترفيه : مهندس معماري
    تاريخ التسجيل : 08/08/2009

    رد: على باب سفارة كندا

    مُساهمة من طرف Eng.Najeh في الجمعة نوفمبر 13, 2009 7:44 am

    شكرا ياسحوره
    وانشاء الله نيجي بموضعات جديده تعجبكم
    حماك

      الوقت/التاريخ الآن هو الثلاثاء أغسطس 22, 2017 8:59 am