يا شمس لا ترحلى عن منتدى الدرجلى

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات الدرجلى


    أحمد فؤاد نجم واخر اشعارة

    بشار
    بشار
    Admin(درجلى ماسى)
    Admin(درجلى ماسى)


    عدد الرسائل : 1084
    العمر : 42
    الموقع : www.eldargaly.alafdal.net
    تاريخ التسجيل : 25/12/2008

    أحمد فؤاد نجم واخر اشعارة Empty أحمد فؤاد نجم واخر اشعارة

    مُساهمة من طرف بشار السبت يناير 03, 2009 7:54 am


    افندينا أنعم علينا بعلاوة
    تجيب كيلو جبنة وعلبة حلاوة
    آتاري العلاوة مجرد أتاوة
    و احنا علينا الكلام اختلط

    *****
    عشان في البداية حسبناها خير
    و قلنا نواية حتسند يا زير
    و حسنة حتمنع بلاوي كتير
    و كنا حقيقي في غاية العبط
    *****
    في لحظة افتكرنا ان لينا حقوق
    و نمنا و صحينا لقينا الخازوق
    و قبل اما حتى يا عالم نفوق
    لقينا اللي لسه حناخده اتشفط
    *****
    أفندينا يعني في لحظة تجلي
    تعطف تلطف و قرر يخللي
    مساحة الغلابة تزيد ستة مللي
    و ياكلو بدال التراب الزلط
    *****
    أفندينا أعلن صدور القرار
    و قبل اما ينجح في أي اختبار
    فوجئنا بزفة و مولد و زار
    قصايد.. جرايد.. برامج.. يفط
    *****
    تؤكد بأن الحكومة.. بذكاء
    و من حزمة واحدة قضت ع الغلاء
    و لابد يبقى لدينا... انتماء
    و ناكل و نشرب و نلبس خطط
    *****
    عبال النمو اللي قالوا عليه
    و حايشينه عنا مانعرفش ليه
    ماتلمح مكانه في مراية عينيه
    و نقدر ندوق منه... حتى نقط
    *****
    مادام كل حاجة تمام ع الورق
    مفيش أي داعي عشان القلق
    و لو مش مصدق خلاص اتفلق
    ورقـنا اللي صح وكلامك غلط
    *****
    قاللي مواطن عليم بالخبايا
    أفندينا قرر تزيد الجباية
    عشان شعبه جاحد قليل الرباية
    بياكل و ينكر زي القطط
    *****
    اذا الشعب صدى بفعل البارومة
    حاتعمل حسابه ف ايه الحكومة
    وهي اللي جاهزة بكرباج وشومة
    عشان لوفي واحد في عقله اتخبط
    *****


    تعيش مصر دايما في عز و جمال
    يعيش المواطن شـديد الاحتمال
    و آمن تماما من الاشــــتعال
    و أقصى ما عنده.... ينكت فقط



      الوقت/التاريخ الآن هو الخميس مارس 28, 2024 6:58 am