أنا شاب لكن عمري ولا ألف عام
وحيد ولكن بين ضلوعي زحام
خايف و لكن خوفي مني أنا
أخرس ولكن قلبي مليان كلام
عجبي
وحيد ولكن بين ضلوعي زحام
خايف و لكن خوفي مني أنا
أخرس ولكن قلبي مليان كلام
عجبي
مخنوق يا دنيا …… يا دنيا غش و ذور و ظلم
يا دنيا ليه بتوعدينا
ويوم ما نجري وراكي بالجزمه بتدينا
يا دنيا ليه إحنا منك و أنتي منا ومع ذلك بتبعينا
وحيد انا في دنيا مالهاش قرار
فيها ناس في قلوبهم سواد و نار
و ناس تانيه في قلوبهم حب الخير والخضار
لكنهم قليلين
على دكة الأحتياطي قاعدين
مش عارفين رايحين على فين ولا جايين منين
تايهين …… تايهين في بحر الحياة الواسع العميق
تايهين في دنيا الحب فيها هو الغريق …….
أنا مين …….
أنا مين و رايح على فين
أنا عارف بس مش عارف أروح منين
و أعمل أية
كل الطرق متأفله
كل الحدود متربسه
كل العيون متربصه
لأي نبتة حب تطلع في المسا