منتديات الدرجلى


    الاولى والتانية و

    شاطر
    avatar
    elgokar

    عدد الرسائل : 38
    الموقع : www.eldargaly.alafdal.net
    المزاج : عال عال عال
    تاريخ التسجيل : 15/01/2009

    الاولى والتانية و

    مُساهمة من طرف elgokar في الأحد يناير 18, 2009 7:36 pm



    فتحت باب الأمل
    عشان أشوف الدنيا
    وشوفت فيها عِلل
    بتفَرع فى كل ثانيه
    أولهاحالة شَلل
    صابت فى صُلب عقولنا
    وتانيها رَصِة قُلل
    ماكفيه على حالنا
    وتالتها عَرب دِول
    حُكام داهيه وخاينه


    الأوله
    مين اللىقَتل
    فى غَزه عيالنا
    وشَردوا جَمع الشمل
    وخَرجنا من دارنا
    ومناهُم ينِخ الجمل
    ويقلوا يا ناس مقدارنا
    لا تقولى أميركا بِحيَل
    نخروا فى جدارنا
    اللى طَبخ واللى غَزل
    للأسف حُكامنا وأنصارنا


    والتانيه
    والتانيه مجالس شِلل
    بتجتمِع تلعب بأقدارنا
    يبدلوا الورق بالجَدل
    ويحولوا بالغش مسارنا
    ولا هُما حاسين بالخَجل
    ولا بالنار اللى تِدَمرنا
    شاربين كؤوس الملل
    ويأجلوا فى مِشوارنا
    عازمين بكل المِلل
    على قتل أفكارنا
    ما هو بدرى لِسه ما اكتَمل
    الشهر يفضَح عارنا


    والتالته
    والتالته آه يا جَبل
    على كتافِك يا غَزه
    فَرقوا اللى اتوصل
    من حين ما كانت عِزه
    ويدبحوا وليد الحَمل
    عشان الكاس والمَزه
    يا صبر من دون كَلل
    لِحَد ما يُطعنوا بِغَزه
    تِخل الضلوع خِلل
    بلا رحمه ولا مَعَزه


    الأوله
    الأوله حُكام حِلل
    تقفلها تغَطيها
    تعَريها تفتحها
    والتانيه
    والتانيه أُمرا وسلاطين دول
    كروشها تِشلَحها
    عَورِتها تِفضحها
    والتالته
    والتالته شعوب تشيل الشيَل
    تحرقها تدبحها
    تمَوتها مَطرحها


    الأوله
    عدوان وغدر وغَِل
    عنقودى وفسفورى
    والعالم شايفها
    والتانيه
    طيران وبحر وبر والكل
    يمصمص شفايفه
    مع إنه كاشِفها
    والتالته
    مترصصين جلاليب وبِدَل
    مداريه ضماير الجُبن نَشِفها


    الأوله
    يا رَيس هات الطين
    ودس راسى فيها ومرمغها
    والتانيه
    يا رَيس فاتت سنين
    وغَزه لسه فى مدبحها
    والتالته
    يا رَيس مات الزين
    وباقى الشين اللى مِسَفحها


    الأوله
    إمتى تغوروا كما اللى غار
    وتحِلوا عننا
    والتانيه
    تهونوا تتهونوا يا عار
    ولا انتوا مِننا
    والتالته
    لاجل نبينا محمد البار
    ياخودكوا رَبِنا


    </B></I>



      الوقت/التاريخ الآن هو الأحد أبريل 30, 2017 8:35 pm